Translated from the English to the Telugu by Joopaka Subhadra
మేము మీ …

వైద్యులమ్ కళాకారులమ్  కవులమ్

మీకు చదువు చెప్పే గురువులము , మీ న్యాయ వాదులమ్

మీ సమాచార సాంకేతిక నిపుణులమ్

మీ పారిశుధ్య కార్మికులమ్ , సంగీతకారులమ్

నటులము , మీ మూల దుకాణాల్లో పనోల్లమ్

బస్సుల్ని నడిపేవాల్లము , భవన నిర్మాణకులం

జీతమ్ లేని వెట్టి వాల్లము

మీ నైడాక్ (NAIDOC) కమిటీ సభ్యులము

మీ పాఠశాలల్లో స్వచ్చంద సేవకులము

మీ ఆదాయ వనరులమ్, నర్సులము

మీ వంట గదిలో ‘ చాయ్ గిన్నె‘ మీది మూతలము

మీ ఇండ్లల్ల పనోల్లం, మీ యిండ్లకు యెట్టి కాపలాదారులము

సైనికులమ్ , క్రీడా నాయకులమ్, ప్రముఖులమ్

సకల వృత్తులకు మేమే ప్రతినిధులమ్

మేము కొంటాము , అమ్ముతాము

కాపాడుతామ్, ఖర్చు బెడ్తామ్
                                                    2 
మేమిక్కడ వున్నాము

మీ అంతం దాకా మేమిక్కడే

మీ చావు దాకా మేమిక్కన్నే
మేము మీ …

తోబుట్టువుల బిడ్డలము , కొడుకులము

అక్కా చెల్లెండ్లము అన్నదమ్ములము ,

మీ పిల్లల్ని పెంచే ఆయాలము

తండ్రులము , తల్లులము , మరదండ్లము , బావ బామ్మరుదులము

అత్తా చిన్నమ్మలము , మామా చిన్నాయినలము

కొడుకులమ్, కూతుర్లము, దోస్తులము

మీకన్నీ అయినోల్లమ్, మీ పక్కింటోల్లమ్

మీ బండ్లు నడిపేటోల్లమ్, చిట్టి చెల్లెల్లమ్

హిజ్రాలము , ఆడ మగ కలపోతలము , ఎల్జీబీటీలము

మేము పోరాడుతాం , మేము కలలుగంటామ్

మేము ప్రేమిస్తాం , మేము ప్రార్ధిస్తామ్

మేము నవ్వుతాం , ఏడుస్తామ్ , మేము నెత్తురోడుతామ్
                                                        3 
మేము పురా తరాల్నించి మెరుగవుతాము

మేము కిందకు పడిపోయినము

మేమిక్కడ వున్నాము

మీ చావు దాకా మేమిక్కడే

మీ అంతం దాకా మేమిక్కడే 
మేము మీ …

పాటల రచయితలము

నల్ల వారి హక్కుల ప్రచారకులము

రాత్రి క్లబ్బుల్ల ఆడి పాడే వాల్లము , మీ పూల హారాలము

మీ ముసలోల్లకు చాకిరీలు చేసెటోల్లము

మీకు కాఫీలందించే వాల్లము

మీ పొయిలకు వూదు గొట్టాలము

మీ చలి నెగల్లము , మీ వాహనాలము

మీ పర్యటనలకు దారి దీపాలము

మీ నాట్యశాల గానాలము , స్వాతంత్ర్య సమరాలము

మీ చర్చి గంటల నాదాలము
                                                     4 
అల్ప సంఖ్యాకుల్లో అల్ప సంఖ్యాకులమ్

తళ తళ మెరిసే యీ భూగోళం భిన్నత్వాల చిన్నెలున్నది

ఆ ఏడు రంగుల ఇంద్ర ధనసు దారుల్లో మేము నడుస్తామ్

అప్పుడూ ఇప్పుడూ ఎప్పుడూ మల్లీ మల్లీ

మేము నడుస్తానే వుంటాము

మేమిక్కడ వున్నాము

మీ చావు వరకు మేమిక్కడే

మీ చావు దాకా మేమిక్కడే 
నెత్తుటి యాది కతలు , మాట , మట్టి

జెండా ఎత్తుగ ఎగురుతుంది

మేము తలెత్తుకుని  నిటారుగా నిలబడ్డాం

ఎడారి , పచ్చిక మైదానాలు , నదులు , సముద్రం

మేము కారుణ్యం తో కదిలాము హుందాగ

మా మానవత్వాన్ని గౌరవించు

మా భిన్నత్వము మా సహజత్వము

ఎప్పుడూ వుండింది , ఎప్పుడూ వుంటుంది
                                                       5 
మేమిక్కడ వున్నాము

మేమిక్కడే వున్నాము 
 మూలం ; నటాలీ హార్కిన్

 తెలుగు అనువాదం ; జూపాక సుభద్ర