Twi | Water Drops

By and | 1 October 2016
Pages: 1 2
Translated from the English to the Kokborok by Chandrakanta Murasing


bolong bahai borobsai phayw watwini twyo sujagwi chwngsakhe ha

boyarbai tai waisa bebak  phuranna bagwi


kwthwi ranprajak bolongni langma kwtalkhe sichayasak

kubun kubun phaising thngw twi


****


phiya haywngo twi kwrwi hinkhe  twino twywi sabo le swinai ?


joto langmani twi nangw  joto langma-no twi  lena twi  twi-no lena hamarima


twi kwthar-bo twi  twi-no kwthar phola


thui bisingtwi twi botok nok khungsani phayw bwrwi chwla

thui bisingtwi jaiti solai kurunglaijak borok  joto mang bwphang waphang

yarung nanglaijak  o takhuk bukhukrog


twi nokhao chwngjak  twi langmao pungjak

chwng lekhawi paiya twi biyang busuk  nwng i kok puitu thangyakhe sadi

minamatani twiyo kuphungjak harungo


watwi thop busuk kwlaikha bisi 1803 ni simi ?


watwi thop thop kulaima joto thumwi mankhe

aa ongwi thangma khamun chwng le.


nokbar twi sal tal mai-waksa khartwi twijlang laywi thangw

sal tungsawi nokbarni chubachu bai  twi sakao bumul kholw yapri bwthai  bwthai

tai mwnak tailamtwi nwgw hakor kuthukmarog

bumul kochogwi thangw ha laywi haywng phaising

watwi ni twibai thuiduk botok langma bising bising 


mwnakma twi


nogo kiphilwi takhumsarog yapha khoroptwi bwkrang bwprawi twi jariwi khibw

twijlang bomjak kwchwng pilithai sakao twirem kayatwi katwi kaslewi kwlayw

kotono kholobjagwi tongw bukchaywng kuthukma


sal tai-bo kuchugo kawi paima kwrwi lam phunwgtwi twyo

tai o lama  pohorni simi chengma ulo

nongkhorwi thangkha twyo swnamjak hakor mwnak kuthukmao

o hakor twijlangni swlai kuthuk  aro pohor hapya mwnakni lam laywi

aro riawarrawa thuwi tongw twi mwtaini mwnakma nogo


tal


sampili bumul hor sal swlaijagw nokhao thungma bising

nokhani twi nokhano swnamw poder podkhe  suwi kwbagw jorani chumuino

chumuirog thang phai ongw khon khonlaywi nokni lama phaising

eba talbai twiphil bai baksa himna tongthogwi


sal


awan hai phungsaw twi mokol kwbangma bwskango

nokbar khawi kobonwi thangw satungo tungsogwi

sakao thangwi chumuio nangkhe pherwi thangw sakmang bini

paima kwrwi twi-mangpili haikhe watwini ulo sal tai waisa phaikhe

lama khonwi himw kwtalkhe

twi kuphungjak tungsawi siyari pantwi ongw oro uro

jephuru chumui kotorma budul budul somsawi kholobw salno

pherang chirigw nokhano chirwi baywngni horo jilik jilik

aboni ulo siring sorop haywng tukujak watwi twyo

ha kisio sichasaw langma kwtalni bahai motom

bumul kaisini chokhreng chogsai tai waisa sal kaw


watwini twi ransai kobonsai pherangbai kudijagw

tai muktwi kupulwng kabwi tongw nokha kosomni nogo
Pages: 1 2
This entry was posted in 76: DALIT INDIGENOUS and tagged , , . Bookmark the permalink.
Playwright, poet, and political activist Jim Everett is descended from the Ben Lomond people, a clan of the Cape Portland nations in North-east Tasmania. His name Pura-lia Meenamatta meaning 'paperbark' from the Ben Lomond area, is taken from his main ancestory, the Plangermairreenner people. Everett wrote his first play, Survivors, in 1984 after seeing Jack Davis' play The Dreamers. His written works now include plays, political papers and short stories and he has been published in many major anthologies. Everett's other work includes, television documentaries, educational videos and theatre productions. He currently (2006) lives on Cape Barren Island writing and operating his consultancy business.

More by Jim Everett on Cordite Poetry Review →
Chandrakanta Murasingh was born in Twiwandal, Tripura, in 1957. He is one of the most respected poets in Tripura and has published six collections of poetry and his works have appeared in reputed journals and anthologies. He has won a number of awards including the Bhasha Samman from Sahitya Akademi in 1996 and the Rabindra Puraskar, the highest literary award of Tripura. He works in a bank and lives in Agartala.

More by Chandrakanta Murasingh on Cordite Poetry Review →

Related work:

Comments are closed.