Bansang maunlad malinis, kaytanyag

      mangangalakal sa dagat naglalayag

      organisado, dayuha’y protektado

kulturang iba’t iba’y nagkakasundo.
        Kalinisang taglay ay walang kapantay

   mamamayan, ay masayang namumuhay

    pagmamahal sa anak sadyang dalisay

pamilya, s’yang pangunahing  kaagapay.
Dignidad ng tulad kong manggagawa

                    sa kanila’y iminulat,  pinakita

              tiwala at giliw tanging kayamanan

                 pusong maawain sa kan’la’y inilaan.
    Singapore, ang tangi kong pinapangarap

 bansa kang gatuldok, ngunit napakaunlad   milyong dayuhan ay  umaasang matupad

   karangyaan ng buhay na nais malasap.
Ako,

sa bansa

ng dayuhan

bilang isa sa mga

manggagawang OFW

ay taimtim na nananalangin

tungo sa kaligtasan ng bawat isa

at karapatan ng bawat isa sa maayos

na kalagayan, ligtas sa kapahamakan at

pagkapariwa ng buhay dahil lamang

sa kakulangan, at pagmamahal

na nawaglit sa panandalian

ng pagkawalay sa mga

minamahal sa buhay

dakila ang Diyos

na siyang kong

tinatangi’t

gabay.