He kitenga kanohi, he hokinga mahara/ A face from the past brings back emotion.

Tū ana tēnei mātāmua i te tūramarama a Huna/ This eldest child stands under the light of

       Huna

Mātai tonu ana ki te whakapākanga o Maurea/ Gazing at the last born of Maurea

He maurea kai whiria/ Perspective is everything

I te ara wairua/ Here in the highway of wairua
Ahu mai ana te kōtiu/The north wind giving directions

Ki te tini o Kirikiri e teretere ana ki tō rātou tāhuahua, ki tō rātou māra pīngao/to the many

       grains of sand moving to their dunes and pīngao gardens

Kakano muimui e whakakotahi nei/ tiny particles coalesce.

Me manatū, he iti pou kapua hunga tini whetū ki te rangi/ Keep in mind, a small group

       overcomes adversaries
Auē te whakamomori a Ngākau/ Ah the longing of Ngākau

Te kuaka mārangaranga, e rapurapu ana ki te tahuna/ the kuaka circling, seeking the place of

       solace

Ahakoa pau te hana i a rātou, he manawa kuaka tonu/ despite being weary they are steadfast

Mā te kōhatuhatu ki te nae/ By way of the pebble in the bird’s gullet

Mā te mahara o Parengarenga/ By the memory of Parengaraenga

Ka whai te au tika, te au pōuri/ they will find the right current, the dark current

Kō atu i Te Ahu/ beyond Te Ahu.
Tū ana te haka o Nakonako/ The haka of Memory begins

Mō tua o te pae maumahara / concerning the dead.
E mau mai ana ngā ture o Pūmahara i te kapu o Te Tai Tamatāne/ West coast tides carry the

       rules of Memory in their palm

Mā ngā ngaru e whakaako ēnei kākahu taratara/ These mourning clothes learn from the waves

Mā te kaha a Wareware e pūrua te moko o te onepū/ By the strength of our attempts to forget

       the memory is again marked into the beach

E ai ki a Poroa, ka mau tonu te wairua. /  As Poroa said, the wairua remains.

E whakapuhorongia ana te kiri ā-mahara e te huene a Takimoana, / The memory skin becomes

       puhoro with the ocean swell of Takimoana.
Noho ana au i te rua o mahara/ Sitting in the cave of memory

Kei a au te kau o tō Hinengaro kanohi/ with the pupil of Hinengaro’s eye

E hikohiko pai ana ngā mahara/ memories are fully activated

I te muramura o te ahi, i te aweawe a Maru nōki/ in the glow of the fire, in the influence of Maru

Takahurihuri ana te taihuringa ā-Mahara/ revolving in the movements of Memory

Ka whakatinanangia e tātou te aho tāngaengae o nehe/ we manifest the generations gone by,

Horekau te maumaharatanga mō koutou e ngaro ana i a tātou/  recollection of you all will

       never be lost.