Donyi a:deng ə mirï i:pak kiisa

Karik sima pə, lupo sima pə

Taləng migmo, domuk amil- along lo

turnam nganam doying əm

a:dlik dung. 
Ngolu esing anə əm bodong pə

dak do pə mətuai.

Ko iman əm, mime lupo əm

A:rik anam abu lupo əm məpak la

Takar simyo duki sinam kïisa

A:lap gəna lobo delo

Ngolu pïiyang əm duklen tuaii. 
Yenam dagnam əm kapədii yege ton

ngo luken bimang.

Aku pator kisa kolo

nok alak lagyap nam əm kala

bedang enam legapə,

ma, angku nam legapə,

Ngo kaken ma tuaii.
Ati duyi mang əm

Donyi hango ə dungkai.

Ro rokom appun punnam əm kala

Ngok apii ə bi:ng kai, bursi la. 
Lobo kusereng kosang.

Pətang kiisa taleng alap ə

A:ngu a:ngu doying pəl bo kai.

Uksing latying kiisa

ngolu yume a:gom pe lupo sikai.
A:deng a:gom ə mipa sinam a:gom ə.

Taleng kitku so yenam daknam ə

domuk əmə latnam kiisa

taleng doying ə

Ngok alak so adlik kai.